IP kontroll subjekteve në zonat turistike
Inspektorati Shtetëror i Punës është angazhuar në evidentimin dhe kontrollin e subjekteve, që ushtrojnë aktivitetin e tyre gjatë sezonit turistik, në zbatim të misionit dhe prioriteteve të tij, që janë lufta kundër informalitetit dhe punës ilegale, zbatueshmëria e dispozitave ligjore për marrëdhëniet e punës dhe sidomos për masat teknike që duhen marrë për sigurinë dhe shëndetin në vendet e punës.

Në një deklaratë për mediat, zëdhënësja e Zëdhënësja e Inspektoriatit të Punës, Daniela Hasani bëri të ditur sot se nga konstatimet e viteve të mëparshme na rezulton se gjatë sezonit turistik kryejnë aktivitet sezonal, shumë subjekte nga të cilët një pjesë jo e vogël, e zhvillojnë aktivitetin në shkelje të legjislacionit të punës.

“Përmes një urdhri të posaçëm të Drejtorit të Përgjithshëm, Dritan Ylli, të gjitha Degët Rajonale kanë përgatitur plan masash për përmbushjen me sukses të këtij proçesi.Ky kontroll ka në fokus të detajuar, zbatimin e legjislacionit të punës në drejtim te kohëzgjatjes ligjore të saj, punës së kryer në turnin e dytë dhe të tretë, në ditët e pushimit javor, ditëve të festave, etj”, tha Hasani.

Duke bërë të ditur rezultate të këtij kontrolli, Hasani tha se në 33 subjekte të inspektuara, janë zbuluar 42 punëmarrës të padeklaruar dhe të pasiguruar, tashmë të përfshirë në skemën e sigurimeve shoqërore, në 11 subjekte u vendos shërbimi me mjek pune, të munguar deri tani, i cili ka një rol shumë të rëndësishëm sidomos në këtë sektor.Sipas saj, në 17 subjekte u ngritën Këshillat e Sigurisë dhe Shendetit ne Pune, në përbërje të të cilëve janë dhe vetë minatorët ndërsa për mosrespektimin e dispozitave ligjore, janë lënë detyra për t’u realizuar me afate kohore të percaktuara qartë.

Gjithashtu, janë paralajmëruar për sanksion 26 subjekte dhe në 2 subjekte jane vënë sanksione penalizuese, për shkelje të përsëritura të legjislacionit.Ajo theksoi se nëpërmjet kontrolleve do të synohet; minimizimi i punës informale, duke evidentuar cdo punonjës që punon në kushte informale, jashtë rregullave të mbrojtjes së sigurisë dhe shëndetit në punë, punësimin e punëmarrësve nën 18 vjec, punës me kohë të pjeshme, etj. /albeu.com/
Shtuar më 11/07/2014, ora 16:54
Shkruani komentin tuaj!
Të fundit nga kjo kategori