Investohen 200 milione euro per sigurine e digave ne veri te Shqiperise
Albeu.com
Projekti zviceran, që vë në dukje situatën aspak pozitive të digave në Shqipëri, ka vënë në lëvizje qeverinë shqiptare. Burime të gazetës thonë se ministri i Ekonomisë dhe Energjetikes, pasi është njohur me raportin e ...... SECO, ka kërkuar mbështetjen e donatorëve. Takimi është zhvilluar në muajin tetor 2009, nga ku është kërkuar nisja e marrëveshjeve me të gjithë donatorët që do të ofrojnë mbështetje financiare.

Faza e parë e projektit, sipas studimit të zviceranëve të SEKO, kushton rreth 65 milionë euro dhe konsiston në ndërhyrjen e disa elementeve përreth digave, siç është ura pranë hidrocentralit të Fierzës, e cila u dëmtua këto ditë nga shkarkimet e mëdha. Si transmeton edicioni on-line i Startit, i gjithë projekti kushton 200 milionë euro dhe konsiston në sigurimin dhe mbrojtjen e digave në kaskadat e lumenjve Drin dhe Mat, në veri të vendit. Deri tani qeveria ka siguruar rreth 63 milionë euro nga premtimet e donatorëve.

Të parët në listë janë Banka Botërore, me rreth 36 milionë euro, më pas banka gjermane e KfW-së, me rreth 20 milionë euro, si dhe qeveria zvicerane me afro 7.6 milionë franka (gati 5 milionë euro). Diferenca e mbetur pritet të sigurohet nga BERZH-i, i cili ka dhënë aprovimin paraprak. Ministri Prifti ka treguar interes për krijimin e një grupi donatorësh, që do të mundësojnë mbështetje për sigurimin e digave.

“Gjendja e tanishme e sigurisë së digave është e pasigurt dhe një fatkeqësi me përmasa masive mund të konsiderohet e mundshme në një të ardhme jo të largët, nëse gjërat do të lihen të përkeqësohen më tej”, thuhet në një pjesë të raportit të SECO.
Shtuar më 13/01/2010, ora 23:11
Tage: arkiv

Shkruani komentin tuaj!
Të fundit nga kjo kategori