Autoriteti Portual i Dubait shpreh interes për të investuar në Portin e Durrësit dhe atë të Shëngjinit. Gjatë qëndrimit dyditor në vendin tonë, përfaqësues të tij do të vizitojnë nga afër këto porte. Ministri i Transportit dhe Infrastrukturës, Edmond Haxhinasto takoi dje Sultan Ahmed bin Sulayem, presidenti i kompanisë DP World nga shteti i Dubait, si dhe delegacionin që e shoqëronte. Ministri dhe përfaqësuesit nga Dubai diskutuan mbi mundësitë e bashkëpunimit ndërmjet dy vendeve, kryesisht në sektorin e transportit detar.

Ministri Haxhinasto vlerësoi marrëdhëniet e mira që ekzistojnë ndërmjet dy vendeve, si dhe bëri një prezantim të projekteve kryesore në sektorin e transportit dhe infrastrukturës, ku përmendi Korridorin VIII, sektorin hekurudhor dhe atë portual. /albeu.com/