Investigimi i britanikëve: Si blihen pasaportat italiane për 1000 euro në Tiranë
Gazetarët e "Daily Mail" kanë udhëtuar drejt Shqipërisë. Kjo për të investiguar falsifikimin e pasaportave të BE-s.

"Duhen vetëm tre ditë nga dhënia e porosisë për të marrë një dokument të falsifikuar në Tiranë"- shkruan Daily Mail.

Sipas gazetarëve britanikë duhen vetëm 1000 euro për të marrë një pasaportë italiane, gjë e cila do të përdoret për të udhëtuar drejt Anglisë.

"Në kryeqytetin shqiptar Tiranë ne kontaktuam një falsifikator pas një ndërmjetësimi dhe pas 72 orësh kishim në dorë pasaportën italiane".

"Ne i dhamë falsifikatorit shqiptar fotot, por pasaporta e blerë mbante emrin e vërtetë të një shtetaseje italiane me vendlindje Monzën, të dhëna të cilat ishin marrë nga regjistri Italian i qytetarëve"- shkruan Daily Mail.

Falsifikatori shqiptar u ofroi gazetarëve anglezë edhe një kartë shëndeti me emrin Tessera Sanitaria, me të cilën gjithkush fare mirë në Angli mund të hapë një llogari bankare apo të marrë shërbime shëndetësore nëse do të paraqitej në Angli.

Janë pikërisht të tilla dokumente, thekson Daily Mail që kanë bërë të mundur futjen ilegale në Angli të mijëra shtetasve shqiptarë.

Në lidhje me përdorimin e pasaportave të falsifikuara, Caroline Nokes i ka deklaruar kësaj gazete angleze se “ne kemi ekipe me ekspertë në të gjithë pikat kufitare në Angli që zbulojnë personat përdorues të tyre, shkruan shqiptarja.com.

Nga 2010 deri në 2018 janë ndaluar të hyjnë në Angli 144.000 persona me të tillë dokumente.

Në fund të artikullit, "Daily Mail" mbërrin në konkluzionin se shtetasit shqiptarë dhe ata ukrainas janë më të shumtit përdorues të pasaportave italiane apo greke të falsifikuara kapur duke tentuar të hyjnë ilegalisht në Britaninë e Madhe. /albeu.com/



Shtuar më 27/06/2018, ora 11:33

Shkruani komentin tuaj!
Të fundit nga kjo kategori