Infermierja shqiptare u fut shatzënë në intubim, ia del shëndoshë e mirë
Silvana Rudaj, infermierja shqiptare 29-vjeçare, e cila jeton në Milano, tregon dramën pas infektimit me koronavirus.

Ajo ishte në javën e 38 të shtatzanisë, kur u prek nga sëmundja.

Gjendja e saj u përkeqësua ndjeshëm, aq sa i detyroi mjekët ta vendosnin në intubim.

Ishte një makth të cilin kishte vendosur ta hidhte pas krahëve.

Por me valën e dytë që ka pushtuar Italinë, Silvana, thotë Corriere della Sera, vendosi t’i bashkohej të mbijetuarve që po rrëfejnë në rrjete sociale eksperiencat e tyre me sëmundjen.

Infermierja 29 vjeçarja shqiptare kujton se u infektua në fundin e muajit mars, kur ishte ende shtatzënë..

“Në fillim, edhe pse e shtruar, isha mirë. Por situata u përkeqësua shpejt me temperaturë shumë të lartë. Në 29 mars lindi vajza, por e larguan menjëherë prej saj në atë moment”.

Përpara intubimit, kërkoi vetëm ti dërgonte një mesazh partnerit, ku t’i shpjegonte se duhet të flinte pak. E vështirë të shpjegohet me fjalë frika nga vdekja, ankthi që nuk kisha parë ende vajzën time dhe duhet të flija me rrezikun që të mos zgjohesha më, “ thotë ajo.

Qëndroi e intubuar për dy javë. “ Për fat të keq, kujtoj shumë mirë gjithçka; dhimbjet, zërat, ndjesitë”.

“Përpiqesha të komunikoja me cdo mënyrë, por askush nuk më dëgjonte. Ishte një ferr i vërtetë, sepse isha bllokuar brenda trupit tim, përpiqesh të flisja e të lëvizja, por nuk ia dilja dot”, tregon ajo. Fatmirësisht, tashmë makthi ka përfunduar.

Silvana po shijon momentet më të bukura pranë së bijës.
Shtuar më 03/12/2020, ora 20:57

Shkruani komentin tuaj!
Të fundit nga kjo kategori