Inaugurohet kodi postar ZIP i Shqipërisë
Albeu.com
Edhe Shqipëria ka Kodin e vet postar ZIP. 33 rrethe pajisen me numrin katërshifror. Në një takim, ku merrnin pjesë drejtorët e Postave të Shqipërisë, Kosovës dhe Maqedonisë, si dhe Kryeministri i vendit, Sali Berisha, së bashku me ministrin e Transporteve, Lulzim Basha, është "prerë shiriti" i kodit postar shqiptar.Edhe Shqipëria ka Kodin e vet postar ZIP. Në një takim, ku merrnin pjesë drejtorët e Postave të Shqipërisë, Kosovës dhe Maqedonisë, si dhe Kryeministri i vendit, Sali Berisha, së bashku me ministrin e Transporteve, Lulzim Basha, është "prerë shiriti" i kodit postar shqiptar. Shpalljen e këtij kodi e bëri Kryeministri i vendit, i cili u shpreh se, posta do të bëhet institucioni më modern në vend. Kodi ZIP i vendit tonë përbëhet nga 4 shifra, ku dy të parat identifikojnë degën postare, që në Shqipëri janë 34 të tilla, dhe dy shifrat e dyta identifikojnë zonat postare, që kombinimi i tyre do të bëhet nga vet degët e pastës në rrethet e ndryshme të vendit tonë. Drejtori i Postës Shqiptare, Arqile Gorrea, u shpreh se shpallja e këtij kodi postar është një shenjë integrimi i vendit tonë. Ai sqaroj se do të duhet një vit që të gjithë njerëzit të njihen me kodin postar që i korrespondon banesës së tyre dhe të filloj implementimi i saj nga të gjithë. Ndërsa ministri i Transporteve në fjalën e tij ka shprehur shqetësimin se duhet të identifikohen rrugët dhe lokalitetet që kanë mbetur pa emër, kjo nga pushteti lokal, dhe më pas të zbatohet ky kod që është shenjë e standardeve evropiane.


Kodet për 33 rrethet

Tirana 1000
Kruja 1500
Durrësi 2000
Kavaja 2500
Elbasani 3000
Gramshi 3300
Librazhdi 3400
Peqini 3500
Shkodra 4000
M.Madhe 4300
Puka 4400
Lezha 4500
Mirdita 4600
Laçi 4700
Berati 5000
Kuçova 5300
Skrapari 5400
Gjirokastra 6000
Tepelena 6300
Përmet 6400
Korça 7000
Pogradeci 7300
Erseka 7400
Mati 8000
Peshkopia 8300
Bulqiza 8400
Kuksi 8500
Hasi 8600
Tropoja 8700
Lushnja 9000
Fieri 9300
Vlora 9400
Saranda 9700
Tranziti 1700
Zyra EMS 1800
G. Shqip
Shtuar më 11/10/2006, ora 10:49
Tage: arkiv
Shkruani komentin tuaj!
Të fundit nga kjo kategori