Partia Socialiste e cilëson lojë të kryeministrit Berisha referendumin për imunitetin. Në një dalje për mediat deputeti Ditmir Bushati u shpreh se perbetimi i kryeministrit se permes heqjes se imunitetit, do të mundesohet statusi i kandidatit në vjeshte, është vetëm fshehje e deshtimeve të tij me procesin integrues.

"Kushdo që i njeh sadopak ligjet e këtij vendi dhe ndjen përgjegjësi për fatin Europian të Shqipërisë, e ka të qartë se nuk ekziston asnjë lloj mundësie që ky referendum pa kundërshtar për të cilin flet Sali Berisha të mbahet përpara ditës kur Bashkimi Europian vendos për statusin e vendit kandidat për Shqipërinë",-tha Bushati. Selia roze ftoi maxhorancen dhe kreun e saj të shnderrojne shtatorin, në muajin e realizimit të prioriteve që BE i ka lënë Shqiperise.

"Ne duam të zhvillojmë diskutimet për paketën e propozimeve të opozitës për reformën në drejtësi dhe votimin për imunitetin në Parlament, brenda muajit shtator, sepse duam t'i japim statusit të vendit kandidat një shans në tetor. Ndërsa Sali Berisha do lojën e referendumit pa kundërshtar. Ne duam të përmbyllim një orë e më parë reformën parlamentare, sepse duam t'i japim statusit të vendit kandidat një shans në tetor. Ndërsa Sali Berisha do lojën e referendumit pa kundërshtar",-theksoi ai. /albeu.com/