Ilir Beqaj drejt dorëheqjes, ja arsyeja që e detyron
Kodi i Etikës i miratuar ditën e djeshme në Asamblenë Parlamentare të Partisë Socialist duket se detyron ministrin e Shëndetësisë, Ilir Beqajn, të japë dorëheqjen nga posti.

Përveç postit të Ministrit të Shëndetësisë që e mban prej tre vitesh tashmë, Ilir Beqaj ka edhe funksionin e Sekretarit për Koordinimin Kombëtar të Programit në PS. Të dy postet janë të papajtueshëm me njëri-tjetrin, shkruan Lapsi.

Sipas Kodit të Etikës që miratoi sot Asambleja e PS, në nenin 10 pika tre përcaktohet se:

“Funksioni i sekretarit të Përgjithshëm dhe i sekretarëve të Partisë është i papajtueshëm me funksionin e anëtarit të kabinetit qeveritar dhe me çdo lloj funksioni tjetër ekzektuiv me kohë të plotë. Në rast të ndryshimit të statusit të tyre, ata janë të detyruar të japin dorëheqjen nga një funksion”.

Ky nen që kaloi dje Asambleja e PS prek vetëm Ilir Beqaj-n dhe nuk mund të jetë rastësi. Me miratimin e Kodit të Etikës, Edi Rama i hap rrugën largimit të butë të një prej ministrave më të diskretituar publikisht, për konçensionet skandaloze që ka firmosur dhe për mosmbajtjen e premtimit kryesor që kishte në fushatë
Shtuar më 02/10/2016, ora 11:15

Shkruani komentin tuaj!
Të fundit nga kjo kategori