ILDKP kallëzon penalisht Doshin për fshehje pasurie
Për fshehje dhe kallëzim të rremë të pasurisë prej 23 milionë euro, Inspektoriati i Lartë i Deklarimit dhe Kontrollit të Pasurive ka kallëzuar penalisht në Prokurorinë e Përgjithshme deputetin Tom Doshi.

Pas kontrollit të ushtruar nga ILDKPKI për periudhën 2005–2014, rezultuan fshehje të pasurive, deklarime të rreme për pasuritë në shumën rreth 14.000.000 euro, kontrata fiktive pasurish, transferta bankare të dyshimta e pa burime të ligjshme financiare dhe dyshime për pastrim parash, brenda dhe jashtë vendit, në shumën rreth 9.000.000 euro.

Sipas ILDKPKI, pasuria e Doshit është kontrolluar edhe në të kaluarën. Më tej thuhet se inspektorët në atë kohë që kanë evidentuar shkelje ligji, i kanë mbajtur ato të fshehta, duke mos i dërguar dosjet në Prokurori.

“Edhe pse në kontrollet e kaluara Inspektorët e çështjes kanë evidentuar shkelje të ligjeve dhe konflikte interesi dhe kanë propozuar zgjidhjet sipas ligjit, drejtuesit e ILDKPKI-së i kanë mbajtur ato të fshehura, duke mos i dërguar dosjet në organin e Prokurorisë, ashtu siç përcaktohet në ligjet bazë të ILDKPKI”, thuhet më tej në njoftimin e ILDKPKI. /albeu.com/
Shtuar më 15/05/2015, ora 16:02

Shkruani komentin tuaj!
Të fundit nga kjo kategori