ILDKP ka bërë kallëzim penal ndaj Drejtorit të Përgjithshëm të Agjencisë Kombëtare të Bregdetit në Ministrinë e Zhvillimit Urban dhe Turizmit Auron Tare.

Sipas njoftimit të ILDKP-së është dorëzuar pranë organit të akuzës kallëzim penal ndaj Tares,pasi nga verifikimet e kryera rezultoi të jetë në shkelje të nenit 257/a të Kodit Penal.

"Pas depozitimit të kallëzimit penal, Inspektori i Përgjithshëm do të njoftojë dhe institucionin epror të këtij zyrtari, duke kërkuar në këtë mënyrë marrjen e masave disiplinore në përputhje me kërkesat e ligjit", theksohet në njoftimin e ILDLP-së. /albeu.com/