Ngjarja në banesën e parukieres Marsida Qatja, ku mbeti i vrarë një shtetas dhe u plagos një polic tronditi mbarë opinionin publik.

Menjëherë pas ngjarjes, u hodhën dritë mbi rrethanat dhe lidhjet mes viktimës dhe nënës së tre fëmijëve.

Dyshohet se mes Marsidës dhe viktimës, Dritanit ka pasur një lidhje intime, lidhje e pohuar nga nëna e të ndjerit e cila deklaroi se ishte një lidhje pasioni jo serioze.

Ditën e sotme për mediat, ka folur Marsida Qatja e cila i ka dhënë një mesazh edhe nënës së viktimës duke iu shprehur se i vjen keq për humbjen.

“Nënës së Dritanit do t’i thoja se më vjen shumë keq. Nuk do doja që të arrinte deri këtu.

Nëna e Dritanit është nënë dhe nënë mos qofsh, se nënë jam vetë.

Nëna e Dritanit është viktima e parë e Dritanit. Më vjen keq që shprehem kështu.

Më vjen keq që nëna e tij do ta dëgjojë dhe do të lëndohet. Nëse ka një viktimë të dhunuar, e para është nëna e Dritanit”-tha Marsida Qatja. /albeu.com/