I vjedhin pasaportën, Ministria e Jashtme: Bleona Qereti, pjesë e një grupi mediatik
Pëlqej
Pas deklarimit të humbjes së pasaportës me pretendimin se i'a kanë vjedhur bashkë me sende të tjera në Itali, një reagim vjen nga Ministria e Jashtme, për këngëtaren Bleona Qereti.

"Këngëtarja Bleona Qereti e ka marrë pasaportën e shërbimit si përfaqësuese e grupit mediatik “Aurela Style”, në pronësi të Aurela Hoxhës, në cilësinë e Drejtoreshës së Marrëdhënieve me Jashtë".

Kështu bën me dije Ministria e Punëve të Jashtme, lidhur mbi kriteret e pajisjes së Qeretit me pasaportë shërbimi, e cila jepet për zyrtarë diplomatë apo edhe gazetarë.

Kriteri mbi të cilin këngëtarja ka marrë këtë pasaportë është përfaqësia e saj si pjesë e grupit mediatik “Aurela Style”.

“Znj. Bleona Qereti është mbajtëse e Pasaportës së Shërbimit që prej datës 11.08.2008 dhe është ripajisur me Pasaportë Shërbimi në datë 25.03.2013, në bazë të VKM-së 335 dt. 02.09.1997 “Për lëshimin e Pasaportave Diplomatike dhe të Shërbimit”, thuhet më tej në sqarimin për shtyp të Ministrisë së Jashtme. /albeu.com/

Shtuar më 15/09/2014, ora 10:56
Shkruani komentin tuaj!
Të fundit nga kjo kategori