I shkoi për vizitë në shtëpinë e re, i moshuari ia heq këpucët Ramës
Një i moshuar në fshatin Gjepalaj në Shijak, ka detyruar Edi Ramën që të heqë këpucët përpara se të hyjnë në shtëpinë e re, që është ndërtuar nga qeveria, pasi e vjetra ju prish nga tërmeti.

Ndërsa po hynin për të parë banesën, Rama i jep çelësin, banorin që e quajnë Osman e fton të udhëheqë përpara.

Kryeministri, i cili shkon në të gjitha banesat në pak momente i thotë: “Osman s’po i heqim këpucët". Por, i moshuari ia kthen: Mirë është me i heq.

Rama, stepet nga përgjigja direkte e të moshuarit dhe pasi i thotë s’po ta prish, i heq menjëherë atletet e bardha që kishte veshur. Ai dhe ministri Ahmetaj detyrohen të heqin këpucët dhe të futen brenda shtëpisë së re të rindërtuar.

Edhe pse i hoqi, kryeministri ka vijuar batutat me të moshuarin, që nga dialekti duket se ishte me origjinë nga Dibra dhe i pëlqente humori.

“Kemi parti të fortë”, thotë Osmani e Rama, që e kupton menjëherë “ironinë dibrane ja kthen: “A mor Osman i fortë je, ia hoqe këpucët kryeministrit”.

E i moshuari ja kthen: “Po të përcjell”. Rama sërish: Normal që do e bosh, na hoqe dhe këpucët”, e Osmani ja kthen: Duhet bërë nganjëherë dhe qesh e falënderon për ndërtimin e shtëpise.
Shtuar më 30/11/2020, ora 14:20

Shkruani komentin tuaj!
Të fundit nga kjo kategori