I riktheu pikturën, Meta falenderon Gramoz Ruçin
Presidenti Ilir Meta ka falenderuar Gramoz Ruçin pasi ky i fundit e ka ndihmuar të rimarrë një pikturë të Isa Boletinit të cilën e kishte në Kryesinë e Kuvendit, kur e drejtonte këtë institucion.

Në një postim në rrjetet sociale, Meta thotë se tani ndihet “më i qetë dhe më i fortë”.

“Jo vetëm dielli u rikthye, por edhe Baca Isa Boletini erdhi pranë meje pas tre vitesh “ndarje”. Edhe Ai besoj ndihet mirë pasi përballë ka Babain e Pavarësisë tonë, Ismail Qemalin”, shkruan Meta.

Postimi i plotë

Mirëmëngjes të gjithëve dhe ditë të mbarë!

Unë s’mund ta nisja më mirë. Jo vetëm dielli u rikthye, por edhe Baca Isa Boletini erdhi pranë meje pas tre vitesh “ndarje”.

Falenderoj Kryetarin e Kuvendit, Gramoz Ruçi, i cili e pranoi me mirëkuptim kërkesën time. Tani me kryetrimin e Pavarësisë tonë ndihem më i qetë dhe më i fortë. Edhe Ai besoj ndihet mirë pasi përballë ka Babain e Pavarësisë tonë, Ismail Qemalin.

Shtuar më 14/10/2020, ora 09:58

Shkruani komentin tuaj!
Të fundit nga kjo kategori