UPDATE - Kryekomisari Adem Tahiraj i vrarë pasditen e djeshme është përcjellë sot për në banesën e fundit. Homazhet për shefin komisariatit të Shijakut u kryen nga 14:30-16:00 në Shtëpinë Qëndrore të Ushtrisë.

Familjarë, të afër, miq, e personalitete të shumtë i dhanë lamtumirën e fundit kryekomisarit Tahiraj.Në nder të kujtimit të kryekomisarit zhvilloi homazhe dhe Kryeministri Berisha, i cili më herët ishte i pranishëm dhe në familjen Tahiraj.

“Kryekomisari, Adem Tahir ra në krye të detyrës në përpjekje për të garantuar rëndin dhe qetësinë në Bashkinë e Shijakut. Adem Tahiri ka qenë një oficer, një kryekomisar shembullor, trim i vendosur dhe me sakrificën e tij sublime u faktoi kolegeve të tij dhe mbarë shqëiptqrëv se cili ishte kuptimi i lartë i detyrës për të. Kjo është një humbje e madhe për familjen, dhe me këtë rast i shpreh ngushëllimet më të sinqerta, ngushëlloj forcat rendit efektivat e policisë, për humbjen e kolegut të tyre, por i siguroj ato për mbështetjen më të plotë të qeveris. I garantoj se me forcën e ligjit do të ndëshkojmë krimin dhe kriminelët aty ku ndodhen në mënyrën më të vendsur. Garantoj qytetarët se Policia e Shtetit është sot më e vendosur së kurrë t’i japë përgjigjen e merituar atyre që për qëllime kriminale kërkojnë t’i imponohen ligjit”, u shpreh Kryeministri Berisha. /albeu.com/