I infektuar me COVID-19, Rakacolli zbulon gjendjen shëndetësore të mjekut Pipero
Mjeku infeksionist, Pëllumb Pipero ishte ndër të parët që mori dozën e vaksinës anti-covid të Pfizer, por u infektua me koronavirus dy javë më pas.

Ndërkohë, zëvendës-Ministrja e Shëndetësisë, Mira Rakacolli në një intervistë për “Ora News”, Rakacolli pranoi se mjeku Pipero është në gjendje të mirë shëndetësore.

Ndër të tjera, ajo sqaroi se marrja e vaksinës nuk do të thotë imunitet ndaj virusit.

Mira Rakacolli:

Doktor Pëllumbi është infektuar, por është në gjendje shumë të mirë shëndetësore. Infektimi i tij pasi ka bërë dozën e parë të vaksinës nuk është rasti i shkëputur nga historia e vaksinimit mbarëbotërore. Nuk është një proces i papritshëm ose i painterpretueshëm elektronikisht.

Është diçka që mund t’i ndodhë kujtdo që bën dozën e parë të vaksinës dhe që është një shembull konkret i asaj që themi vazhdimisht, pra që edhe pasi ke bërë dozën e parë të vaksinës, duhet të vazhdosh të ruhesh njësoj dhe ti marrësh njësoj masat e përkujdesjes si edhe më parë.

Pas dozës së parë të vaksinës ka reaksione individuale ndaj vaksinës. Vetë vaksina fillon ti zhvillojë antitrupat më vonë”.
Shtuar më 01/02/2021, ora 22:14

Shkruani komentin tuaj!
Të fundit nga kjo kategori