Teksa arsyet e krimit të rëndë mbeten ende mister, autori i dyshuar, Fatmir Hoxhaj i cili qëlloi për vdekje shtetasin Ahmet Toska më 26 tetor mësohet se jeton rreth 3 kilometra larg.

Vëllai i viktimës, Engjëll Toska shprehet jashtë kameras se nuk e njeh autorin e dyshuar. As bashkëshortja e të ndjerit, thotë ai nuk e njeh të akuzuarin.

Në momentin kur është qëlluar autori ka qenë i veshur sportiv me kapuç dhe me maskë Covidi.

Autori ka ardhur nga mbrapa dhe e ka qëlluar dy herë dhe është larguar pa thënë ndonjë fjalë. Ai ka shtuar se nuk kanë probleme me asnjë, as hasmëri, as punë pronësie.

Mësohet se banesa e autorit ishte e braktisur, e pa pastruar dhe dera e mbyllur. Jetonte prej vitesh në Itali bashkë me familjen. Në lagje pak e njohin mirë, por e përshkruajnë si njeri të qetë.