I bënë lokalin shoshë me plumba, efektivi i "Shqiponjave" ishte zënë më të "fortin" e Shkodrës
Mbremjen e djeshme, lokali i një efektivi të forcave "Shqiponja" u qëllua me breshëri arme.

Pikërisht për këtë ngjarje të rëndë, janë shpallur në kërkim katër persona.

Efektivi i policisë, Albert Pjetri ditët e fundit ka ndaluar teksa ka qenë në shërbim shtetasin Rivaldo Planaj.

Por ky i fundit ka kundërshtuar dhe nuk i është bindur patrullës, duke debatuar me efektivin Pjetri i cili i ka sekuestruar makinën.

Efektivi Albert Pjetri ka deklaruar në deponimin e tij pas ngjarjes për këtë konflikt që i ka ndodhur me shtetasin Rivaldo Planaj, por pa ngritur gishtin e akuzës drejt tij për atë që i ndodhi mbrëmë në lokalin që ka në pronësi.

Mësohet se në kërkim policia ka shpallur si bashkëpunëtorë të Rivaldo Planajt edhe tre të tjerë. Ata janë Orlando Planaj, Bardhok Planaj dhe Mirsad Shtellzaj.

Sakaq, Bardhok Planaj është i njohur si i “forti i Shkodrës”.

Shtuar më 23/12/2020, ora 09:48

Shkruani komentin tuaj!
Të fundit nga kjo kategori