I akuzuar publikisht për eliminimin e Haklajve, pse hesht Sali Berisha?
Ish-kryeministri, Sali Berisha është vënë publikisht nën akuzë si fajtor për vrasjen e Hakljave dhe për serialin e ekzekutimeve që prodhoi 200 viktima në Tropojë.

Akuza e rëndë për Sali Berishën erdhi nga një dëshmitare e dorës së parë e ngjarjeve të pas viteve në ‘90 në Tropojë, ku mpleksja e politikës dhe interesave për pushtet, prodhoi një masakër të vërtetë.

Ishte pikërisht Zylfie Haklaj, e njohur ndryshe si “Shota” e Tropojës, e cila drejtoi gishtin tek Sali Berisha si përgjegjës për sagën e krimeve makabre dhe për vrasjen e vëllezërve të saj.

Në një intervistë të gjatë për TopStory, ku dha detaje të panjohura më parë për krimet që tronditën Tropojën dhe Shqipërinë, Zylfie Haklaj foli për rolin e ish-kryeministrit në vrasjet e Tropojës dhe gjakun e derdhur.

“Në familjen time ka 14 persona të vrarë dhe përgjegjës kryesor për këtë është Sali Berisha. Ne kërkojmë drejtësi, unë jetoj për të dëshmuar”, deklaroi Zylfie Haklaj.

Pse hesht i akuzuari për vrasje?

Sali Berisha, të cilin jemi mësuar të dëgjojmë të flasë për çdo gjë dhe të sulmojë këdo, për herë të parë ka mbyllur gojën. Ish-kryeministri ka folur disa herë për mediat, pas intervistës së Zylfie Haklajt, por ka zgjedhur të heshtë edhe pse akuzohet për vrasje.

Mbyllja e gojës së ish-kryeministrit i shton edhe më shumë dyshimet rreth rolit të tij, në krimet që përgjakën Tropojën.

Berisha ka zgjedhur të fshihet pas denoncimeve anonime të “qytetarit dixhital”, ku jemi mësuar që hapësirat me kanabis në Rusi të na i ofrojë si parcela në Vlorë apo Dukagjin, por kyç gojën kur ai personalisht akuzohet me emer dhe mbiemër si i përfshirë në vrasjet e Tropojës.

Sali Berisha, thirrjet për luftë civile

Përveç akuzave për vrasjet e Tropojës, Sali Berisha akuzohet se tentoi të fuste popullin në luftë civile. Zylfie Haklaj zbuloi për herë të parë mesazhet që ish-kryeministri i dërgonte familjes së saj, ku i kërkonte ndihmë për të sulmuar Jugun.

Sali Berishës i rrezikohet pushteti si president dhe dërgon forca nga Garda, kryesisht Sokol Mulosmanin, kushëri i dajave tonë, për të takuar Fatmirin, për ti kërkuar mbështetjen e tij, dhe Fatmiri i thotë shprehimisht që as për Hamdiun nuk e bëjë këtë punë që të sulmoj Jugun, vëllezërit e jugut për të mbrojtur karrigen e presidentit”, rrëfen Zylfie Haklaj, Motra e Haklajve.

Kur flasim për mosbindje civile, nuk kemi nevojë t’u referohemi deklaratave të Zylfie Haklajt. Ish-kryeministri, nuk e ka problem (që dikur nga foltorja e Kuvendit, e sot nga studiot televizive) të bëjë thirrje për armatosje, dhunë dhe mosbindje civile. Mjaftojnë deklaratat e tij, që mund të gjenden lehtësisht në YouTube dhe në arkivat e televizioneve, që Sali Berisha të merret në hetim nga SPAK.
Shtuar më 17/02/2020, ora 12:33

Shkruani komentin tuaj!
Të fundit nga kjo kategori