Pak ditë më parë, Monika Lubonja festoi ditëlindjen ku mblodhi në një festë miqtë e saj, mes së cilave dhe ish banorë të Big Brother VIP. Përpos të gjithave, ajo që bëri bujë ishte kërcimi sensual me ish banorin e BB, Tan Brama, i cili u bë menjëherë viral në rrjete sociale.
Lidhur me këtë ka folur së fundmi në një intervistë vetë Tani. Por si e ka pritur këtë kërcim gruaja e tij? Brama tha se ajo e kishte parë videon në rrjete sociale. “Çfarë është kjo që ke bërë?” e kishte pyetur partnerja, e cila mesa duket e ka marrë situatën me sportivitet.
“Ishte Freestyle dhe nuk e kishim përgatitur. I kisha thënë dikur se nuk dinte të kërcente por aty më ndiqte shumë mirë. Duhet ta kishim bërë që në shtëpinë e “Big Brother VIP”. Kur pashë karrigen dhe muzikën në sfond thashë ‘Do bëjmë këtë gjë’. Përveç pak komenteve negative, duket se e kanë pëlqyer njerëzit.
Kurse gruaja më tha: “Ç’është kjo, ç’ke bërë? Kishe bërë super kërcim mbrëmë.” Unë nuk i kisha thënë gjë por e kishte parë. I thashë: “Gjëra të thjeshta, duhej të kishte ndodhur brenda shtëpisë së “Big Brother VIP”. Po të ishte e fshehur, nuk do e bëja”, tregoi mes të tjerash ish banori i Big Brother.
