Horror! Arrestohet mjeku që vrau dy pacientë me COVID-19 për të liruar shtretërit
Policia italiane ka vënë në pranga një mjek pasi dyshohet se ka vrarë dy pacientë me COVID-19 për të liruar shtretërit gjatë pandemisë.

Carlo Mosca, 47 vjeç, i injektoi doza vdekjeprurëse të anestetikës 61-vjeçares Natale Bassi dhe 80-vjeçarit Angelo Paletti në spitalin në Lombardi në Mars, pretendojnë prokurorët.

Mesazhet e WhatsApp midis infermierëve zbuluan se ata dyshonin se doktor Mosca ishte ‘i çmendur’ për vrasjen e pacientëve ‘për të liruar shtretërit’ në repartin në të cilin ai ishte në krye.

Tri vdekje të tjera tani po hetohen nga policia pasi ata pretendojnë se Mosca ndryshoi të dhënat mjekësore të viktimave të pretenduara për të mbuluar gjurmët e tij.

Mosca u arrestua dhe tani është në arrest shtëpie në shtëpinë e tij në Mantua. Ai mohon akuzat kundër tij, duke i quajtur akuzat ‘të pabaza’.
Shtuar më 26/01/2021, ora 22:20

Shkruani komentin tuaj!
Të fundit nga kjo kategori