UNESCO kërkon ndëprerjen e punimeve në ByPass-in e Gjirokastës: Po dëmtom vlerat e zonës

Komiteti i “UNESCO”-s për Trashëgiminë Botërore ka kërkuar ndërprerje të punimeve në ByPassin e Gjirokastës, duke thënë se sipas dëshmive, projekti do të ketë një “ndikim negativ në vlerat e zonës”.

Në janar të 2021-shit, qeveria paraqiti një kërkesë për rishikimin e një propozimi të rihartuar për projektin e Bypass-it.

“UNESCO” kërkoi informacion shtesë, por qeveria shqiptare nuk arriti t’i përgjigjej. Së shpejti pritet që të vijë edhe një mision monitorimi për të vlerësuar nëse ndërhyrjet kanë dëmtuar “vlerat e trashëgimisë  kulturore”.

“UNESCO” i rekomandoi Shqipërisë “të ndalojë këtë projekt derisa një mision të vlerësojë ndikimin e tij në vlerat universale të zonës dhe të bëjë rekomandime e duhura.

Ky vendim është botuar në projekt-rezolutë para Sesionit të 44-të të takimit të Komitetit të Trashëgimisë Botërore, që zhvillohet midis 16 dhe 31 korrik në Kinë.