Historiani shqiptar nxjerr detaje shokuese, kush ishte gruaja në kishë që mallkonte shqiptarët
Pëlqej
Historiani Arben Llalla ka folur për vendimin e marrë së fundmi nga shteti shqiptar, për shpalljen 'non grata' të 52 ekstremistëve grekë që kanë qenë të pranishëm në ceremoninë mortore të ekstremistit Konstandinos Kacifas.

Llalla është shprehur se ekstremistët e shpallur ‘non grata’ nuk duhej të ishin lejuar të futeshin në territorin shqiptar që në doganë, pasi sipas tij, ata janë fytyra të njohura dhe madje kanë qenë edhe të armatosur. “Duhet një vendim më i fortë nga ana e shtetit. Shpallja ‘non grata’ e 52 ekstremistëve grekë tregon politikë jo serioze, pasi për dy-tre vjet ky vendim do të hiqet. Ata duhej të mbaheshin në burg”, ka thënë Llalla.

Sa i takon mbajtjes së një minute heshtjeje të parlamentit grek, historiani është shprehur per report tv se bëhet fjalë për një veprim të ardhur nga nje parlament i organizuar, i cili po e shndërron Kacifasin nga një ekstremist në një hero.

"Edhe familja e Konstandinos Kacifas, edhe minoriteti grek në Bularat të Gjirokastrës, edhe parlamenti grek po i mëshojnë faktit se jugu i Shqipërisë duhet të bashkohet me Greqinë. Ata përdorin si term për jugun “Vorio-Epir”, akt i cili duhet ndalur me çdo kusht nga shteti shqiptar." tha ai.

Historiani është shprehur më tej se situata po agravohet gjithnjë e më tej dhe Shqipëria duhet të tregohet më vigjilente.

"Në ceremoninë mortore të ekstremistit grek Konstandinos Kacifas, brenda në kishë ishte një grua. Ajo mbajti një fjalim antishqiptar dhe përgjatë gjithë kohës ka mallkuar Shqipërinë e shqiptarët. E ç’është më e keqja, brenda kishës kanë qenë të pranishëm edhe politikanë shqiptarë, ndër të cilët edhe Vangjel Dule”, ka komentuar Llalla.
Shtuar më 09/11/2018, ora 18:53
Shkruani komentin tuaj!
Të fundit nga kjo kategori