Hidhen në Detin e Veriut dy klandestinë shqiptarë
Autoritetet Marinës së Brritanisë mendojnë se dy persona që ishin duke udhëtuar ilegalisht me traget nga porti i Harëich në juglindje drejt portit Hook në Holandë kanë humbur jetën.

Dyshohet se dy personat janë shqiptarë dhe po udhëtonin ilegalisht në tragetin e linjës Stena Line. 45 minuta pas fillimit të udhëtimit i cili zgjat 7 orë, mendohet se shqiptarët ishin hedhur nga kuverta e tragetit në ujërat e Detit të Veriut.

Policia deklaron se besohet se ata janë shtetas shqiptar. Nga kërkimet që filluan menjëherë në det janë gjetur vetëm xhaketat e tyre prej lëkure dhe asgjë tjetër.

Autoritetet e marinës britanike nuk japin as moshën e as identitetin e dy personave.

Një helikopter i Policisë dhe një tjetër i Kërkim-Shpëtimit si dhe ekipe të Rojës Kufitare kanë kërkuar për disa orë në det për dy shqiptarët, por operacioni është ndërprerë rreth orës 14:00 të mesditës pa sukses. /albeu.com/
Shtuar më 27/02/2014, ora 17:06

Shkruani komentin tuaj!
Të fundit nga kjo kategori