Heqja e tatim-fitimit, mbështetje për sektorin privat
Vendimi për heqjen e tatim-fitimit për rrogat e ulta i cili pritet të merret në ditët në vijim nga qeveria, është clësuar nga kryeministri Berisha si një mbështetje e fuqishme që qeveria shqiptare u ka dhënë të punësuarve në sektorin privat.

Duke folur në mbledhjen e qeverisë, Berisha u shpreh se gjatë këtyre 7 viteve në përputhje me programin, kjo qeveri ka rritur rrogat dhe pensionet në sektorin publik, rritje që ka bërë që rroga mesatare të shkojë në 57 mijë lekë.

“Ky është rezultat i politikës sonë të rritjes së rrogave dhe pensioneve. Një gjë është e sigurtë që me rritjen e rrogave të sektorit publik ne kemi ndikuar fuqishëm, kemi udhëhequr këtë politik në të gjithë vendin çka do të thotë se politika e ndjekur në sektorin publik është ndjekur në mënyrë të pashmangshme edhe nga sektori privat. Me këtë vendim që së shpejti do të shkojë në Parlament ne si qeveri realizojmë një rritje prej 10 përqind të punonjësve të sektorit privat që janë të evidentuar 200 mijë punonjës. Kjo rritje është 1.2 rroga në vit dhe është rritja më e madhe dhe këta punonjës kanë njohur në tërë pjesën e tyre në këto sipërmarje” tha Berisha.


Sipas Berishës taska e sheshtë është më optimalja por si çdo model edhe modeli ynë ultra-liberal ka nevojë për përmirësimet e tij, ka nevojë për reformim të vazhdueshëm.

“Pretendimi se është e njëjtë për të gjithë është një mashtrim absolut, është e njëjtë si përqindje, por është e ndryshme në vlerë, aq sa ndryshojnë rrogat nga njëra-tjetra. Jo me urrejtje ndaj të pasurve, se në mënyrën më të përsëritur politikat që kanë sulmuar të zgjidhin problemet e të varfërve duke shkatërruar të pasurit kanë falimentuar dhe kanë shtuar në progresion gjeometrik numrin e të varfërve” shtoi më tej kryeministri. /albeu.com/
Shtuar më 30/01/2013, ora 12:00
Shkruani komentin tuaj!
Të fundit nga kjo kategori