Haxhiu rrëfen bisedat me Berishën: I thashë mos prano fitoren e Bashës!
Gazetari dhe analisti Baton Haxhiu ka treguar një histori me ish-kryeministrin Sali Berisha.

Sipas Haxhiut ngjarja ka ndodhur në zgjedhjet e vitit 2005.

I ftuar në emisionin “Zonë e Lirë”, Haxhiu është shprehur se tre ditë para se Berisha të fitonte zgjedhjet, ai i kishte shkuar në zyrë dhe i kishte sygjeruar që të shkonte e të kërkonte vetë votën në bastionet më të vështira.

"Ishte keq, i ishte tharë buza, e donte rikthimin në pushtet. E kishte artikulimin gati të pafuqishëm.

Nuk i dilnin fjalët. Thoshte “është e mundur kjo”, unë i thashë: O doktor i ke kaq vota minus, i thashë koncentroje fushatën në Pogradec dhe në Korçë. I thashë shko atje dhe kërko votën.

Ia tregova me hartë ku të shkonte. Në vitin 2005 nuk e besonte se do të fitonte. I thashë zgjedhjet i ke të fituara. I thashë mos i prano fitoren në tavolinë të Bashës.

Ditën që prenë kurban për fitoren e tij, dola në darkë me Ramën dhe i thashë: Miku im nga sot je kryeministër i Shqipërisë,”-tha Haxhiu. /albeu.com/
Shtuar më 01/11/2019, ora 21:48
Shkruani komentin tuaj!
Të fundit nga kjo kategori