21 vjet pas vendosjes së marrëdhenieve diplomatike me Shqipërine, Izraeli vendosi të hapë ambasadën e parë në Tiranë, duke zgjedhur të perfaqesohet nga zevendëskryeministri dhe ministri i Punëve të Jashtme, Avigdor Lieberman.

Në ceremoninë e inaugurimit, e zhvilluar në masa të larta sigurie, ajo që ra në sy më shumë sesa prania e politikanëve më të rëndësishëm, ishte prania e përfaqësuesve të klerit mysliman.

Kjo gjë është vënë re dhe vlerësuar edhe nga kryediplomati izraelit, i cili theksoi se është shumë i lumtur për hapjen e misonit në Shqipëri, e cila është një vend me shumicë myslimane por edhe anëtare e NATO-s.

Shqipëria e ka njohur Izraelin që në vitin 1949 por vetëm prej 21 vjetësh kemi marrëdhënie zyrtare dhe të ngushta.

"Kur isha student ne ish-Bashkimin Sovjetik, nese dikush do te me thoshte se nje dite une do te hapja ambasaden e Izraelit ne Tirane, si minister i Puneve te Jashtme te Izraelit, une natyrisht do t’i thosha qe je i çmendur. Kjo ishte dicka e pabesueshme. Po kjo tregon sesa shume ndryshon bota moderne, sesa dinamike eshte situata, sesa dinamike jane marredheniet. Ne duhet ta ndjekim kete dinamike dhe ne duhet te kontribuojme per te permiresuar marredheniet tona, per te permiresuar kushtet per njerëzit dhe vendet tona. Keshtu qe edhe nje here faleminderit zoti kryeminister, faleminderit te gjitheve per përpjekjet tuaja dhe per miqesine tuaj", tha ministri izrealit.

"Në një mjedis armiqësor ndaj tij, në të cilën antisemitizmi përdoret si doktrinë për të konsoliduar regjimet opresive dhe si një atavizëm i një trashëgimie të shkuar, Izraeli u bë shembull i zhvillimit demokratik dhe potencialeve të mëdha të lirisë dhe fakti që ju, zoti Lieberman, një ish student në Bashkimin Sovjetik jeni sot, këtu, si Zëvendëskryeministër i këtij shtetit, për të hapur ambasadën e vendit tuaj në Tiranë. Kjo është mrekulli e lirisë në tërësi dhe e vendit tuaj në veçanti", deklaroi kryeministri Berisha.

Shqipëria ka njohur edhe shtetin e Palestinës, por kjo nuk e pengoi qeverinë e kryeministrit Berisha një vit më parë të mos mbështeste tentativën e njëanshme të Autoritetit Palestinez për t'u anëtarësuar në Kombet e Bashkuara. /albeu.com/