Rrëmbyen zonjën dhe e hodhën në rezervuar, Policia e Shtetit zbardh detajet e fundit
Një ngjarje makabre ka ndodhur vetëm 2 ditë më parë në Mallakastër, në fshatin e Gjerbës.

Mësohet se tre të rinj kanë hyrë në një banesë në këtë fshat për t'a grabitur, duke menduar se në banesë nuk kishte asnjë familjar.

Por në banesë ka qënë zonja Drita Saliu e cila dyshohet se është rrëmbyer nga hajdutët dhe është hedhur në një rezervuar ku ka humbur jëtën.

Në mënyrë që ajo mos t’i kallëzonte në Polici për shkeljen, tre grabitësit e kanë marrë gruan, e kanë lidhur dhe më pas trupin ia kanë hedhur në rezervuarin e fshatit.

Familjarët e saj pasi janë rikthyer në shtëpi nuk kanë vënë re asnjë gjurmë nga ajo dhe menjëherë kanë nisur kërkimet.

Ditën e sotme ata kanë vendosur që të kontrollojnë gjithashtu edhe pranë rezervuarit ku edhe kanë pikasur trupin e saj të pajetë.

Deri më tani, Policia e zonës ka shoqëruar në Polici tre persona, të cilët po merren në pyetje pasi dyshohet se kanë lidhje me ngjarjen, ndërkohë po vijon puna për kapjen e autorëve të krimit mostruoz.

NJOFTIMI I PLOTË:

Policia zbardh në kohë rekord ngjarjen e ndodhur në datë 05.01.2020 në fshatin Gjerbës. Arrestohen 3 shtetas të dyshuar si autorë të vrasjes së 50 vjeçares Në orët e para të mëngjesit të sotëm, në Komisariatin e Policisë Mallakastër janë paraqitur familjarët e shtetases D. S, 50 vjeçe, të cilët denoncojnë largimin nga banesa të 50-vjeçares.


Pas marrjes së denoncimit, shërbimet e Komisariatit të Policisë Mallakastër në bashkëpunim me strukturat policore të Drejtorisë Vendore të Policisë Fier organizuan punën dhe në kohë rekord zbardhën ngjarjen. Pas hetimeve të kryera rezultoi se nipi i shtetases së humbur( djali i vëllait të burrit), në bashkëpunim me 2 shokë të tij, në datën 05.01.2020 kanë shkuar për të vjedhur në banesën e 50-vjeçares dhe pas rezistencës të hasur nga kjo e fundit, e kanë hedhur në rezervuarin e fshatit Gjerbës.

Në vijim të punës për zbardhjen e plotë të ngjarjes, nga shërbimet e policisë Mallakastër dhe Polumbarët e Repartit Special Renea u gjet në rezervuar trupi i pajetë i shtetases D. S. Specialistët për Hetimin e Krimeve të Rënda në Drejtorinë Vendore të Policisë Fier, arrestuan shtetasit: L. S., 16 vjeç, banues në Gjerbës,.S. Sh., 16 vjeç, banues në Çërrillë, dhe E. Z., 26 vjeç, banues në Gjerbës, Mallakastër. Materialet do i kalojnë Prokurorisë pranë Gjykatës së Shkallës së Parë Vlorë për veprime të mëtejshme.
Shtuar më 07/01/2020, ora 17:26

Shkruani komentin tuaj!
Të fundit nga kjo kategori