Hajdari akuzon Bashën: Kush janë 3 emrat që më shkarkuan
Deputetja Rudina Hajdari ka dalë sot në një konferencë për mediat, ku ka folur mbi shkarkimin apo dorëheqjen e saj nga grupi parlamentar demokrat.

Sipas Hajdarit tre deputetët Korab Lita, Alban Zeneli dhe Arben Elezi kërkojnë që të sabotojnë reformën zgjedhore me urdhër të Lulzim Bashës.

“Nuk kam dhënë dorëheqjen, kërkesa nuk është bërë në rregull. Kjo histori ndihmon Edi Ramën dhe Lulzim Bashën, incidenti vjen nga 3 persona që duan te sabotojnë reformën zgjedhore. Kjo tentativë është bërë për të spostuar rolin tim në komisionin e reformës zgjedhore.

Na intereson që të hapen negociatat. Këta persona që kërkojnë spostimin tim nuk kanë dhënë kontribut në parlament.

Arben Elezi, Korab Lita dhe Alban Zeneli, janë këta tre persona që kërkojnë të shkatërrojnë opozitën.

Qellimi është të ndryshojmë sistemin, mundohen që të më hedhin mua poshtë”, u shpreh Hajdari.

Deputetja shtoi më tej se mbi shumë prej deputetëve të grupit demokrat është ushtruar presion në mënyrë që të votonin për shkarkimin e saj, mes tyre përmendi dhe deputeten Fatjona Dhimitri.

Hajdari shtoi më tej se ajo ka komunikime të vazhdueshme me ish-kolegët demokrat, që tani janë jashtë Kuvendit, mes tyre dhe ish-kryeministrin Sali Berisha.


Shtuar më 16/10/2019, ora 10:25

Shkruani komentin tuaj!
Të fundit nga kjo kategori