Hahn: Të forcohet sundimi i ligjit. Rama: Fokusi te 5 prioritetet
Është zhvilluar sot takimi i raundit të pestë të Dialogut të Nivelit të Lartë ndërmjet Bashkimit Evropian dhe Shqipërisë i cili bashkëkryhesohet nga Komisioneri për Zgjerim në BE Johannes Hahn dhe kryeministri Edi Rama.

Në këtë tryezë janë diskutuar 5 prioritet që Shqipëria ka si kusht për hapjen e negociatave dhe integrimin në BE, mes të cilave edhe dekriminalizimi.

Këto 5 prioritet u theksuan edhe nga kryeministri Edi Rama dhe komisioneri Johannes Hahn, gjatë konferencës së përbashkët për shtyp.

Rama shprehu mirënjohje për angazhimin e drejtpërdrejtë personal të komisionerit në vazhdimin e këtij dialogu dhe në shprehjen e një angazhimi të qartë për ta mbështetur fuqimisht Shqipërinë.

Rama shprehu angazhimin për të vijuar punën për integrimin dhe zgjerimin e BE, përmes vendeve të rajonit dhe Shqipërisë në veçanti, duke thënë se angazhimi ishte i dyanshëm.

Kryeministri u ndal në rëndësinë e hapjes së negociatave, duke nënvizuar rëndësinë e një procesi gjithpërfshirës me opozitën.

Duke marrë fjalën e tij, komisioneri Hahn deklaroi se referuar pesë prioritetet ka pasur progres, por shtoi se fokusi duhet të jetë tek gjithë angazhimet për sundimin e ligjit.

Ai vlerësoi angazhimin e opozitës gjatë Dialogut të Nivelit të Lartë, duke thënë se procesi do të thotë një afrim gradual me standardet e BE.

Komisioneri nënvizoi se Shqipëria duhet të vazhdojë një proces reforme në drejtësi gjithpërfshirës dhe efikas, ku të ketë politika konkrete në luftën kundër krimit dhe korruopsionit me vendosmëri. /albeu.com/
Shtuar më 24/03/2015, ora 14:01

Shkruani komentin tuaj!
Të fundit nga kjo kategori