Një shqiptar 38-vjeçar është arrestuar nga Policia italiane, pasi ngacmonte seksualisht vajzat dhe gratë që i shihte të vetme në rrugë teksa ecte në rrugë me biçikletë.

Pak ditë më parë në Facebook ka pasur disa raportime mbi shqiptarin, por së fundmi ishte njëra nga ‘pretë’ e tij të fundit që e ka identifikuar atë dhe si pasojë policia italiane ka mundur ta vërë në pranga.

Burri 38-vjeçar me origjinë shqiptare dhe pa leje qëndrimi në Itali, u kap dhe identifikua nga policia falë përshkrimit, shumë të detajuar, të gruas 48-vjeçare e cila ishte shokuar nga ngacmimet e shqiptarit në rrugë, kishte bërtitur aq fort sa ai kishte ikur, por pak minuta më pas, për fat mbërrin policia e cila e gjeti shpejt shqiptarin.

Taktika ishte e njëjtë për të gjitha rastet. Sapo vështronte një vajzë apo një grua vetëm në rrugë, u afrohej tinëzisht, u dilte para dhe niste ti ngacmonte seksualisht.

Ai ka vepruar gjithmonë në rrugën Via Pirandello, ku përdorte edhe një biçikletë.

Nuk dihet identiteti i shqiptarit, por mësohet se ai do të dëbohet nga Italia së shpejti. /albeu.com/