Guvernatorja e BSH në Prokurori për vjedhjen e 713 milionë lekëve
Pëlqej
Guvernatorja në detyrë në Bankën e SHqipërisë Elisabeta Gjoni është paraqitur mëngjesin e sotëm në Prokurori ku do pyetet për vjedhjen e 713 mln lekëve në thesarin e shtetit.

Dje dëshmuan në Prokurori 3 anëtarët e tjerë të Këshillit Mbikëqyrës Petraq Milo, Dhori Kule dhe Adrian Civici. Për llogari të hetimeve që synojnë të gjejnë përgjegjësit dhe destinacionin e vërtetë të 713 milionë lekëve të vjedhura, Prokuroria e Tiranës ka vijuar gjatë së hënës marrjen në pyetje të anëtarëve të Këshillit Mbikëqyrës të Bankës së Shqipërisë, në cilësinë e personave që kanë dijeni për shkak të detyrës së tyre.

Anëtari i këtij këshilli, Petraq Milo është pyetur i pari dhe ka qëndruar në organin e akuzës të kryeqytetit për mbi një orë e 30 minuta. Pas tij është pyetur për gati dy orë anëtari tjetër, zoti Dhori Kule. Ndërkohë që edhe marrja në pyetje e zotit Ardian Civici ka zgjatur përafërsisht sa ajo e dy anëtarëve të tjerë të Këshillit.Jozyrtarisht mësohet se të tre ata, me këndvështrimin e tyre kanë lehtësuar pozitat e Këshillit Mbikëqyrës, duke rënduar pozicionin e ish-guvernatorit Ardian Fullani, tashmë i paraburgosur tek burgu 302. /albeu.com/
Shtuar më 09/09/2014, ora 08:58
Shkruani komentin tuaj!
Të fundit nga kjo kategori