Greqia shtyn vendimin për hapjen e Kapshticës
Autoritetet greke vendosin shtyrjen deri më 7 janar të hapjes së pikës së kalimit kufitar në Kapshticë, bën me dije Drejtoria vendore e Kufirit dhe Emigracionit në Korçë.

Fillimisht pala greke vendosi më 20 nëntor mbylljen e plotë të kësaj pike kufitare, ndërkohë që në datën 3 dhjetor vendimi u ndryshua duke lejuar këmbësorët, kamionët e tonazheve të rënda dhe të mallrave për të hyrë drejt tokës shqiptare.

Për personat të cilët do të duan të hyjnë drejt tokës helene, e vetmja pikë kufitare ngelet ajo e Kakavijës, e cila ende ruan kuotën prej 700 personash.

Për shkak të festave të fundvitit, pritet që lëvizjet në hyrje të Republikës së Shqipërisë të shtohen.
Shtuar më 14/12/2020, ora 14:07

Shkruani komentin tuaj!
Të fundit nga kjo kategori