Greqia do ti ofrojë mbështetje Shqipërisë për zhvillimin e turizmit
Ministrja, Eglantina Gjermeni po mer pjesë në punimet e Konferencës së Nivelit të Lartë në Athinë mbi strategjinë e zhvillimit të zonave bregdetare.Ministrja Gjermeni zhvilloi një takim të veçantë me homologen e turizmit, Olga Kefaloniani, me të cilën u diskutua për mundësitë e bashkëpunimit mes 2 vendeve në fushën e turizmit. Gjermeni deklaroi se shteti grek do ti ofrojë vendit tonë ndihmë në aspektin e promovimit apo trajnimit të operatorëve turistikë.

Konferenca e Nivelit të Lartë për zhvillimin e zonave bregdetare synon diskutimin mbi mundësitë dhe sfidat për nxitjen e rritjes së qëndrueshme ekonomike të sektorit të turizmit atij detar dhe zonave bregdetare.
Strategjia e BE-së për zhvillimin e turizmit në zonat bregdetare përcakton 14 veprime konkrete në nivel evropian dhe propozon një numër rekomandimesh për shtetet anëtare, autoritetet lokale dhe rajonale dhe aktorëve të industrisë së turizmit. Sot sektori i Turizmit në Evropë punëson rreth 3,2 milion njerëz. /albeu.com/
Shtuar më 10/03/2014, ora 17:41

Shkruani komentin tuaj!
Të fundit nga kjo kategori