Gramoz Ruçi "non grata" në SHBA? Rama sqaron si është e vërteta
Kryeministri Edi Rama ka folur në lidhje me debatin e shumëpërfolur, nëse Gramoz Ruçi është ende një person “non grata” nga ana e SHBA-ve, në kushtet kur në vitin 2005, atij ju refuzua viza për të shkuar atje.

Por sipas kryeministrit, një akt i tillë ishte thjesht një gabim, pasi pak muaj pas kësaj ngjarje, Gramoz Ruçi ka marrë vizën dhe ka shkuar në SHBA, konkretisht në Kongresin e Partisë Republikane.

Rama ka deklaruar në emisionin Top Story, se së shpejti të gjithë do e shohin kryetarin e ri të kuvendit në SHBA, duke vizituar Kongresin dhe Senatin amerikan.

Gramoz Ruci i është refuzuar një vizë në vitin 2005 dhe më pak se pak muaj, i është dhënë një ftesë në kongresin e partisë republikane. Ka qenë thjesht dhe vetëm një shprehje e të vërtetës së thjeshtë se me atë refuzim, u bë një gabim. Më herët se vonë, Kryetari i Kuvendit do të vizitojë kongresin amerikan, senatin amerikan.”- u shpreh Rama. /albeu.com/
Shtuar më 14/09/2017, ora 21:44

Shkruani komentin tuaj!
Të fundit nga kjo kategori