Grabitje si në filma, 4 “skifterë” shqiptarë grabisin vilën e bosit italian
Vazhdojnë bëmat e shqiptarëve në vendin fqinj në Itali që jo më kot quhen edhe “skiftera”.

Një grabitje si në filma mësohet se është bërë nga 4 shqiptarë mbrëmjen e kaluar në Buggiano të Italisë ku të maskuar dhe të armatosur kanë arritur të grabisin vilën e një pronari hotelifamshëm.

Mësohet se fillimisht ata kanë sulmuar shqiptarin që kujdesej për këtë vilë i cili ishte jashtë shtëpisë duke pritur që të ktheheshin pronarët e saj.

Pasi e kanë tërhequr zvarrë atë, hajdutët e kanë lidhur dhe i kanë mbyllur gojën me ngjitës shqiptarit dhe shërbyeses 49-vjeçare e cila ndodhej në banesë.

Grabitësit pasi i kanë terrorizuar i kanë detyruar ata që t’u tregojnë kodin e kasafortës.

Në këtë kohë vjen pronari i vilës 62-vjeç dhe gruaja e tij 59-vjeçare. Ai ka nisur të përleshet me njërin nga hajdutët por ky i fundit e ka shtrirë në tokë.

Nën kërcënimin e armës pronarit të hotelit iu desh të tërhiqej dhe ka pranuar që t’u dorëzojë atyre një orë ‘Rolex’, 300 euro që ai kishte në portofolin e tij, ndërsa gruas së italianit (pronar i një hotelifamshëm) i morën 1000 euro. Për t’i shpëtuar policisë, grabitësit janë arratisur me mjetin tip ‘Lancia Y’ të pronares së shtëpisë./albeu.com/


Shtuar më 21/02/2017, ora 16:26

Shkruani komentin tuaj!
Të fundit nga kjo kategori