Grabitja në Laç, si autorët thyen xhamin dhe kërcënuan punonjësit
Një bankë e nivelit të dytë është gabritur në Lac, ndërkohë që mëohet se grabitja ka ndodhur nga persona të maskuar dhe të armatosur.

Ndërkohë policia ka treguar versionin zyrtar të ngjarjes por akoma nuk është mësuar shuma e grabitur.

Informacion paraprak

Më datë 29.12.2017, rreth orës 16:36, në Sallën Operative të Komisariatit të Policisë Laç ka rënë alarmi i nje Banke te Nivelit të Dytë, dega Laç.

Menjëherë shërbimet e Policisë kanë shkuar tek Banka, ku kanë konstatuar se:

Persona akoma të paidentifikuar nën kërcënimin e armës dhe të maskuar, pasi kanë thyer xhamin e njësisë së Bankës, kanë marrë një sasi parash të cilat ishin në përpunim nga punonjësit e bankës dhe janë larguar me një automjet.

Paraprakisht mesohet se nuk ka persona të lënduar.

Janë organizuar dhe ngritur pika të shumta kontrolli, vijon krehja e zonës për kapjen dhe arrestimin e autorëve.

Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes.
Shtuar më 29/12/2017, ora 18:07

Shkruani komentin tuaj!
Të fundit nga kjo kategori