Grabitet me maska e thika banesa e dy të moshurve në Drenovë
Në Drenovë të Korçës, një çift bashkëshortësh kanë rënë preh e një grabitje nga dy persona të cilët kanë qenë me maska dhe të pajisur me një armë të ftohtë, thikë. Sipas të dhënave paraprake, bëhet e ditur se ngjarja ka ndodhur në orën 07:00 të mëngjesit të kësaj të mërkure kur dy personat e maskuar janë futur në banesën e L.M 74-vjeç dhe kanë vjedhur një sasi të konsiderueshme lekësh nën kërcënimin me thikë ndaj dy të moshuarve.

Sapo grabitësit kanë marrë lekët dhe janë larguar nga banesa i zoti i shtëpisë ka njoftuar policinë, e cila ka mbërritur në vendin e ngjarjes dhe ka nisur hetimet për të identifikuar autorët e kësaj grabitje.

Në njoftimin paraprak të policisë thuhet; "Më datë 01.06.2016, jemi njoftuar se rreth orës 07:00 në fshatin Drenovë në banesën e shtetasit L. M, rreth 74 vjeç, kanë hyrë dy shtetas të maskuar (sipas deklarimeve të marra nga pronari i banesës dhe bashkëshortja e tij të cilët ndodheshin brenda në banesë) dhe dyshohet se i kanë vjedhur këtij të fundit,një sasi lekësh nën kërcënimin e një armë të ftohtë, thikë". Ndërsa policia tashmë po punon për identifikimin dhe kapjen e autorëve. /albeu.com/

Shtuar më 01/06/2016, ora 08:53
Shkruani komentin tuaj!
Të fundit nga kjo kategori