Gjykata e Krimeve të Rënda ka vendosur 20 muaj burg e 400 mijë lek gjobë për këngëtarin Arkimed Lushajn i njohur me emrin Stresi pasi u deklarua fajtor për gjobëvënie ndaj regjisorit Leonard Bombaj në korrik të vitit 2010.

Burg ka vendosur kjo gyjkatë edhe për katër bashkëpunëtorët e Stresit, mes tyre edhe e mitura A. Xhaxhaj. Xhaxhaj u dënua me 8 muaj burg dhe 400 mijë lekë gjobë. Megjithatë në fund gjykata vendosi për të 18 muaj provë, duke mos e lënë në burg.

Gjithçka nisi para disa kohësh, kur regjisori Bombaj vendosi të përjashtojë vajzën e mitur nga një qendër artistike që drejtohet prej tij. Pas kësaj, vajza shkoi dhe bëri një kallëzim në polici, duke thënë se ishte dhunuar seksualisht nga Bombaj. Ndaj këtij të fundit nisën presionet dhe shantazhet. Stresi me miqtë e tij e kishin kërcënuar me jetë Bombajn. Ata i kërkonin 20 mijë euro që të mos bëhej publik skandali i tij me vajzën. Pas kësaj, regjisori bëri një padi. Pas hetimesh të gjata, u provua se vajza e kishte trilluar historinë për të vënë nën presion Bombajn, bashkë me miqtë e saj. /albeu.com/