Gjykata e Posaçme kundër Korrupsionit dhe Krimit të Organizuar i ka kërkuar ministres së Drejtësisë, Etilda Gjonaj që të ndryshojë disa nene të aktit normativ të Operacioni Forca e Ligjit për sekuestrimin e pasurive.

Gjyqtarët e GJKKO-së, i kërkojnë ministres që të gjykojnë masa sekuestro apo konfiskimesh të pasurisë të personave të dënuar të dyshuar të përfituar në kuadër të krimit të organizuar.

Gjyqtarët evidentojnë se shumica e kërkesave që kanë mbërritur në gjykatë për sekuestrim pasurie janë të personave të dënuar për vepra penale të zakonshme dhe kanë dalë në përfundim se ato janë jashtë juridiksionit të GJKKO-së dhe SPAK-ut.

Kujtojmë se disa ditë më parë GJKKO dënoi personin e parë për korrupsion. Gjykata e Posaçme Kundër Korrupsionit dhe Krimit të Organizuar dënoi me 120 orë punë të detyrueshme në komunitet Vilson Meminin, i akuzuar për “korrupsion aktiv i personave që ushtrojnë detyrë publike”