Ministri i Energjisë dhe Industrisë Z.Damian Gjiknuri zhvilloi një vizitë pune në Austri. Ministri u prit në një takim nga Janez Kopac dheDirk Buschle, përkatësisht drejtori dhe zv.drejtori i Sekretariatit të komunitetit të Energjisë me qendër në Vienë.


Takimi u përqëndrua në një sërë çështjesh mes të cilave edhe vonesat e hasura në përshtatjen e bazës ligjore evropiane me kuadrin ligjor shqiptar. Një problem ky, i reflektuar edhe në raportin e përvitshëm të Sekretariatit për Energjinë.

Mes Z.Gjiknuri dhe zyrtarëve të Sekretariatit u fol edhe për çështjen e konfliktit që Shqipëria ka tanimë me kompaninë CEZ Shpërndarje.Sekretariati ofroi ndihmë në trajtimin e të gjitha çështjeve të hapura dhe mirëpriti angazhimin e Ministrit për të kryer reformat e duhura në sektorin energjetik duke garantuar përputhshmëri me standardet e legjislacionit evropian. /albeu.com/