Të shtëna me armë zjarri në drejtim të një lokali në Shkodër

Policia njofton se është qëlluar me armë zjarri në drejtim të një lokali në Shkodër, në pronësi të Tish Palit. Ngjarja ka ndodhur ditën e djeshme dhe fatmirësisht nuk ka pasur të lënduar.

Ka nisur puna për identifikimin dhe kapjen e autorit si dhe për zbardhjen e rrethanave të ngjarjes.

Tish Pali nuk është një emër i panjohur për policinë. Ai është arrestuar në 2012 së bashku me 6 persona të tjerë, pasi u kapën duke transportuar kanabis me ambulancë me destinacion Malin e Zi.

“Më datë 18.07.2022, është qëlluar me armë zjarri në drejtim të lokalit në pronësi të shtetasit T. P., 56 vjeç. Për pasojë janë shkaktuar vetëm dëme materiale. Vazhdojnë hetimet për identifikimin dhe kapjen e autorit/ëve, si dhe dokumentimin e plotë të rrethanave të ngjarjes”, thuhet në njoftim.

Kujtojmë se Shkodra është një nga qarqet me kriminalitet të lartë dhe atentatet me armë zjarri janë shumë të shpeshta./albeu.com