Është gjetur trupi i pajetë i një personi në ujërat e lumit Buna në Shkodër. Viktima është shtetasi Ilmi Papavisha, 54 vjeç, i cili është gjetur i vdekur në afërsi të fshatit Zus.

Mendohet të kenë qenë banorët atje të cilët kanë vënë re trupin e të ndjerit, të cilët më pas kanë lajmëruar dhe policinë, ndërsa identifikimi i tij është bërë nga familjarët.

Nuk dihen rrethanat e mbytjes së 54-vjeçarit në ujërat e lumit Buna, ndërsa unformat blu kanë nisur hetimet për zbardhjen e plotë të ngjarjes.