Gjenden 9 nepalezët e zhdukur nga hoteli në Durrës
Nëntë shtetas të huaj nga Nepali u bërë protagonistë të një ngjarjeje të paprecedentë në Durrës.

Të ardhur në shtetin tonë përmes pikës kufitare të Rinasit, me qëllim për t’u punësuar si marinarë në një anije në Durrës, ata u zhdukën pa lënë gjurmë, por duke lënë pas bagazhet dhe dokumentacionet e tyre.

Mësohet se policia i ka gjetur 9 të huajt që ishin zhdukur nga hoteliDurrës.

Ata janë gjetur mbrëmjen e së hënës në Tiranë, por Policia nuk e ka zbuluar arsyen pse i kishin braktisur bagazhet dhe i ishin drejtuar kryeqytet.

Sipas informacioneve policore, mësohet se ata kanë mbërritur të premten më datë 9 mars në Rinas, e më pas janë akomoduar në një hotel në Durrës.

Por një ditë më pas, më 10 mars, ata u larguan nga hoteli duke braktisur bagazhet dhe nuk janë kthyer më.

Gjatë hetimeve të deritanishme nuk ishte vërejtur ndonjë gjë të jashtëligjshme apo të dyshimtë rreth nepalezëve, por largimi i tyre i papritur mbetet ende i veshur me mister. /albeu.com/
Shtuar më 13/03/2018, ora 11:07

Shkruani komentin tuaj!
Të fundit nga kjo kategori