Gazimestani ne duart e Policise se Kosoves
Albeu.com
Djepi i nacionalizimit serb tash e tutje do të ruhet nga Policia e Kosovës. KFOR në mënyrë solemne ia kaloi Policisë kompetencat për sigurimin e Gazimestanit. Në muajt e ardhshëm pritet që edhe monumente tjera të sigurohen nga Policia.
Themeli dhe burimi i nacionalizimit serb tash e tutje do të ruhen nga shqiptarët. Policët e Kosovës e kanë për detyrë që të kujdesen për një katërkëndësh të ngritur në ajër, por që për serbët paraqet monumentin më të rëndësishëm historik.

Muret nga guri ende ruajnë fjalitë nacionaliste të Sllobodan Millosheviqit dhe gjëmat e ‘betejës së Kosovës’, që ishte zhvilluar në vitin 1389. ceremonia e kalimit të përgjegjësisë nga KFOR-i te autoritet kosovare për ruajtën e këtij monumenti u zhvillua me ritualin e uljes së flamurit të NATO-së dhe atë të Çekisë.

Në vend të tyre nuk u ngrit flamuri i Kosovës, megjithëkëtë, diçka nga shteti i Kosovës kishte. Do të jenë pikërisht policët e Kosovës që të ruajnë Gazimestanin, dikur i rrethuar me gjembat e KFOR-it.

Pas një përudhë të gjatë, KFOR-i ua besoi këtë detyrë autoriteteve kosovarë. Me kaq nuk do të ndalet. Nëse shkon mirë puna në Gazimestan, policët e Kosovës do të zëvendësohen me ushtarët KFRO-it edhe para monumenteve tjera historike dhe fetare.

Mbi këtë bazë u nënshkrua marrja e të gjitha përgjegjësive për sigurinë e Gazimestanit nga autoritetet shtetërore të vendit. Nënshkrimi dhe një shtrëngim duarsh ka shënuar edhe besimin se tashmë janë krijuar të gjitha kushtet që Policia e Kosovës të jetë autoritet përgjegjës për sigurinë e Gazimestanit.

Përgjegjësit e deritanishëm për sigurinë e Gazimestanit e kanë vlerësuar moment të rëndësishëm kalimin e përgjegjësive, ndonëse për këtë proces është punuar shumë.

“Siç po duket, është dita e parë e ngrohtë dhe me sa duket pranvera po vjen në Kosovë. Ka qenë e rëndësishme që kemi kaluar përgjegjësitë te Policia e Kosovës dhe mendoj që ky hap është një shembull i shkëlqyeshëm për marrjen e përgjegjësive. Detyrat e ruajtjes së monumentit do të kryhen nga pjesëtarët serbë dhe kosovare të policisë, ndërsa është punuar shumë edhe me banorët që jetojnë në afërsi”, ka thënë Seppo Toivonen, komandant i Grupit Luftërat Shumëkombëshe i Brigadës Qendër.

Bartjen e përgjegjësive Policia e konsideron një hap shtesë që dëshmon gatishmërinë e autoriteteve të rendit për marrjen e përgjegjësive në Gazimestan dhe garantimin e sigurisë për të gjithë banorët që jetojnë në Kosovë.

“Gazimestani është vlerë dhe tregon se vështirësitë e kaluara tashmë janë vetëm perceptime. Policia e Kosovës ka kapacitet dhe vullnet të ofrojë siguri edhe për objekte tjera dhe kjo do ndodhë shpejt”, kanë thënë zyrtarë të Policisë së Kosovës. (nga Artan Behrami, express)
Shtuar më 19/03/2010, ora 17:03
Tage: arkiv
Shkruani komentin tuaj!
Të fundit nga kjo kategori