Gazetari i përgjigjet Pacollit: Shih hotelin tënd 130 euro nata
Pëlqej
Pas skandalit të Hotelit në Durrës, ka plasur një debat i ashpër në median online në lidhje me shërbimin e hoteleve në Shqipëri.

Pas denoncimit të një pushuesi nga Kosova i cili denonconte fyerjet e rënda që i kishte bërë stafi i një hoteli në Durrës, reagoi edhe Zëvendëskryeministri i Kosovës dhe ministri i Jashtëm, Behgjet Pacolli.

Pacolli është njëherazi biznesmen i fuqishëm dhe pronari i një hoteli luksoz në Prishtinë.

Reagimi i Pacollit:

Çdo verë, kaloj pushimet me familje edhe në Shqipëri. Shqipëria mund të zhvillohet ekonomikisht vetëm nga turizmi, por jo duke parë raste të ngjashme sikurse ky që ndodhi sot.

Sot pamë një shembull të tmerrshëm, të cilin kurrë nuk shpresoj ta shohim më.

Nuk është vetëm një punëtor i hotelit” Ylli i Detit”, që ofendoi mysafirin nga Kosova në mënyrë të shfrenuar, por është vetë pronari.

Kjo nuk është ajo ndjenja për të cilën ne kemi ëndërruar dhe sakrifikuar dhe ose ndjenja që na shtyen të pushojmë në Shqipëri.
___________________________________________

Pas këtij reagimi ka reaguar edhe gazetari Agim Xhafka i cili nuk ka hezituar ti komentojë Pacollit hotelin e tij.

"Kështu jemi gatuar ne shqipot, Behgjet vëllai. Njësoj andej e këndej.

Para ca kohe kam bujtur te hoteli yt “Daimond” në Prishtinë.

Pagova 130 euro për një natë dhe veç abazhurëve pa llampa tre herë kërkova ndihmë për tv se ndizej, por nuk shfaqte asnjë stacion.
Dhe qershia mbi tortë ishte kur në mëngjes më kërkuan 15 euro për makinën që fjeti jashtë.

Ndaj byrazer Behgjeti njësoj jemi. Por ti nisja nga vetja,nga të tutë. Me këtë durrsakun do merrem unë. Pa merak", -shkruan Xhafka. /albeu.com/
Shtuar më 18/07/2018, ora 09:59
Shkruani komentin tuaj!
Të fundit nga kjo kategori