Gati lëshimi i dokumenteve të Republikës së Kosovës
Albeu.com
Ministria e Brendshme e Kosovës gati për të hartuar dokumentet e reja personale të qytetarëve. Dokumentet e lëshuara në qarkullim nga UNMIK-u do të jenë valide deri në ditën e skadimit të tyre.
Qytetarët e Kosovës do të kenë mundësi që të aplikojnë për dokumentet e reja, pas përfundimit të veprimeve të nevojshme administrative të Ministrisë së Punëve të Brendshme të Kosovës.


Identiteti i dokumenteve të lëshuara nga Ministria e Punëve të Brendshme, do t'i përmbajë simbolet e reja të Republikës së Kosovës. Gjithashtu me rëndësi të veçantë do të jenë edhe elementet e sigurisë të inkorporuar në dokumentet civile të lëshuara nga MPB-ja. Për këtë arsye, Ministria e Punëve të Brendshme është në procesin e shikimit të mundësive teknike më të mira për prodhimin e këtyre dokumenteve.


Sa i përket aspektit ligjor, Ministria e Punëve të Brendshme i ka filluar menjëherë procedurat e përgatitjes së dokumenteve civile për shtetasit e Kosovës dhe ato do të jenë letërnjoftimet, pasaportat dhe patentë-shoferët. Fillimisht ligjet që i rregullojnë këto çështje janë dërguar në Parlament dhe pritet të përfundojnë procedurat parlamentare si dhe hyrja në fuqi e tyre, njofton Zyra për Marrëdhënie me Publikun e Ministrisë së Punëve të Brendshme.
Shtuar më 22/02/2008, ora 16:15
Tage: arkiv
Shkruani komentin tuaj!
Të fundit nga kjo kategori