Fyle në Tiranë për nxitjen e reformave
Komisioneri për Zgjerim i Bashkimit Europian Stefan Fyle, pritet të vizitojë sot Tiranën në një përpjekje për të pajtuar palët në prag të zgjedhjeve.
Fyle do të takohet me kryeministrin Berisha, me liderin e opozitës Edi Rama dhe presidentin Topi.

Lajmi është konfirmuar një ditë më parë nga zëdhënësja Natasha Butler në një konferencë për shtyp në Bruksel.

“E konfirmoj se Fyle do të shkojë në Shqipëri nesër, (sot) do vizitojë Shqipërinë për të adresuar 12 pikat e domodoshme për t’u plotësuar nga Tirana në një seminar. Qëllimi i vizitës është që të nxisim zbatimin e reformave, dhe kjo nuk është e mundur pa dialog konstrukitv u shpreh zëdhënësja Butler. Komisioneri Fyle do të nënvizojë këtë për të ndihmuar që të ndërtohet besimi mes partive politike”, tha zëdhënësja Butler.

“Shqipëria ka perspektive europiane ashtu siç u ra dakord në deklaratën e Selanikut në vitin 2003, por Shqipëria nuk mund të përmbushë këtë perspektivë nësë nuk bën detyrat e saj. Askush nuk mund t’i bëjë këto detyra për jashtë Shqipërisë. BE mund të ndihmojë dhe lehtësojë cdo zgjidhje, ne mund të ndihmojmë, por ndihma e BE nuk zëvendëson dialogun mes liderve në Tiranë. Po e përsëris se është në dorën e liderve politikë të tregojnë pjekuri dhe Fule do të flasë nesër direkt me drejtuesit politikë. Të gjithë drejtuesit politikë kanë dallime, por të punuarit së bashku në një demokraci të shëndetshme është e domosdoshme.”,- ka përfunduar zëdhënësja Natasha Butler. /albeu.com/
Shtuar më 30/03/2011, ora 09:31
Shkruani komentin tuaj!
Të fundit nga kjo kategori