Fullani: Blerja e "Dajtit" ne perputhje me kuadrin ligjor
Albeu.com
Guvernatori i Bankës së Shqipërisë, Ardian Fullani ka folur për herë të parë për blerjen e hotel "Dajtit " nga BSH duke deklaruar se blerja ka qenë tërëisht në përputhje me kuadrin ligjor dhe shënon materializmin e një projekti të ideuar vite më parë nga Banka e Shqipërisë.
Ai nënvizoi se BSH është e kënaqur që iu ofrua mundësia të blejë këtë godinë të veçantë, e cila kryhet për mirëfunksionimin e institucionin dhe plotësimin e kushteve të punonjësve.

"Motivimi yne bazohet në kuadrin ligjor për përmbushjen e mirëfunksionimin administrativ të institucionit dhe afrimin e kushteve të punonjësve me standardet evropiane", u shpre Fullani. Ai ka garantuar sse procedurat që janë ndjekur nga BSH që nga publikimi i VKM deri në shitje do jenë transparente dhe të bazuara në ligj.

Ndër të tjera në një konferencë për shtyp, Fullani pohoi se në muajt e parë të 2010-ës është shënuar një ecuri e ngadalë e ekonomisë shqiptare . Ai nënvizoi se investimet private janë tkurrur ashtu si është tkurrur edhe kredia për individin.

Fullani tha gjithashtu se norma bazë e interesit do vijojë të mbetet e pandryshuar, në 5.25% .
"Kreditimi i ekonomisë ruan ritme të ulëta rritje. Konsumet kanë qenë të përmbajtura dhe konsumatorët kanë rritur kursimin. Ritmet e ultëta të kreditimit dhe rënia e importit sinjalizojnë për tkurrje të investimeve private edhe gjatë 3 muajve të parë të këtij viti", u shpreh ai.

Sipas Fullanit, për të pestin muaj me radhë vijon të tkurret kredia e individit, pasi bankat kanë lehtësuar kreditë për bineset e jo për individin.
"Banka e Shqipërisë thekson se është një nevojë e domosdoshme që qendrueshmëria e sektorit publik të mbetet udhërrëfyuesi i politikës fiaskale", nënvizoi ai.

Sipas guvernatorit është shënuar një tkurrje 17.1 % e defiçitit tregtar.
Fullani deklaroi se inflacioni ka shënuar rënie dhe në muajin prill ka qenë 3.5%.
Shtuar më 26/05/2010, ora 15:39
Tage: arkiv

Shkruani komentin tuaj!
Të fundit nga kjo kategori