Fuere: Merruni vesh deri ne fundjave
Albeu.com
Deri në fund të kësaj jave partitë politike duhet ta zgjidhin incidentin e shkaktuar në Kuvend para disa javësh. Ky është afati që bashkësia ndërkombëtare në vendin tonë ua dha partive, njoftoi sot ambasadori i Bashkimit Evropian në Maqedoni, Ervan Fuere.Ai tha se përgjegjësia më e madhe për tejkalimin e problemit qëndron tek kryetari i Kuvendit, Trajko Veljanovski. Nga marrëveshje midis partive do të varet edhe raporti pozitiv nga Këshilli i Ministrave i BE-së në Bruksel që do të mbahet më 27 korrik.
”Rol kyç luan edhe kryetari i kuvendit dhe vetëm me vullnet të mirë mund të kapërcehet ky problem. U bëjmë thirrje të gjitha partive të ulen të merren vesh dhe gjatë ditëve të ardhshme të marrin qëndrim në mënyrë që të kemi një zgjidhje konkrete në takimin që do të mbahet më 27 korrik, për të pasur mundësi të dërgojmë një mesazh të qartë se problemi është tejkaluar. Është jetike në raportin që duhet të dërgohet deri te BE-ja, të thuhet se partitë arritën konsensus dhe se Maqedonia është më afër aderimit deri në BE.”, tha Ervan Fuere, ambasadori i BE-së.
Megjithatë Fuere nuk deshi t’i komentoj informatat që u paraqitën në opinion se raporti i ardhshëm për Maqedoninë do të jetë negativ, dhe se shkak për këtë është mungesa e unitetit ndërmjet subjekteve politike. Duhet të presin për të parë se çfarë do të ndodhë deri atëherë. Por qytetarët e Maqedonisë, presin nga liderët e tyre të shohin ndjenjës e përgjegjësisë, deklaroi shkurt Fuere. Ndonëse në Ohër sot qëndruan edhe Fuere edhe kryetari i kuvendit Trajko Veljanovski, megjithatë ata nuk u takuan. Dërguan vetëm mesazhe të ndara. Një orë pas deklaratës së ambasadorit të Bashkimit Evropian, kryetari i kuvendit Veljanovski, premtoi se për disa ditë do të formohet komisioni anketues.
“Unë dëshiroj të them se kam për qëllim që deri në mbarim të kësaj jave, të thirr mbledhjen e re me dy pika, e ajo është formimi i Komisionit anketues dhe Rregullorja e punës. Shpresoj se partitë politike do të gjejnë zgjidhje me ndihmën time që t'i miratojmë gjërat që janë me interes për Maqedoninë, shpresoj se deri në mbarim të kësaj jave, do të kemi një pasqyrë tërësisht pozitive për Maqedoninë, dhe në këtë mënyrë do ta shkruajmë raportin pozitiv për Maqedoninë. Nëse ka nevojë j gjatë tërë ditës do ta koordinojmë zgjidhjen e këtyre gjërave”, thotë Trajko Veljanovski, kryetar i kuvendit të Maqedonisë.
Veljanovski edhe krahas afatit të deklaruar publikisht nga Fuere mohoi se ka presion nga ana bashkësia ndërkombëtare për zgjidhjen urgjente të incidentit të shkaktuar në kuvend më 1 korrik mes opozitës dhe punonjësit të sigurisë. (alsat)
Shtuar më 18/07/2010, ora 16:01
Tage: arkiv
Shkruani komentin tuaj!
Të fundit nga kjo kategori